les trains au Tour de France

nan ch'est pas eune histoire d' vaques qui ravissent passer ché coureurs
ch'est plutôt que j'a d'plus in d'plus d' mau à avaler ché couleuves ...

y a toudis eu des coureurs qui s' sont fait attraper pour dopage , j'a en tiete, ch' fameux coureur des années 80 Polentier qui s appelo , qui s éto fait attacher sul' coté del' gampe un flacon d urine souple, avec d' l urine "prope" d'dins, qui verso dins l' flacon du contrôle antidopage

j' dis pas que des Meercks, Anquetil, Poulidor ou Hinault i zont pas roulés qu à l io claire , mais enfin .....

in a connu la fameuse hitoire Festina , quand que Richard Virenque et s' n équipe i s'sont fait attrapé durant le tour de France ...
qu in décrivo le dopage programmé de toute eune équipe , tout en sachant qu à la même époque , tous ché vainqueurs d' grands tours i zétotent dopés

in nous a promis qu in sero intransigeant, que cha sauro bin plus difficile vus tous les contrôles qui yalo avoir, des chartes que ché coureurs alotent signer .......

mais rin n a cangé, pire ch est devenu cor plus flagrant, ch'est pour cha que j' parlo des "trains"

début des années 2000, yavo le "train" de l US Postal, chéto l équipe à Amstrong ..

in ch' momint depuis 5 ans, in parle du "train" de la Sky

quo que ch'est un train pour ché néoflites, ch est que toute l équipe ale est au dessus du lot
qui peuvent s' mette en tiete du p'loton, a toute blinte, à chinq ou six coureurs del même équipe à imposer un train d enfer

ch'est cha qui m' gêne l' plus, là ch'est toute eune équipe qu ale est plus forte que les zautes coureurs du peloton ....si cha sint pas l entourloupe comme avec la Festina .....

alors asteure , j' ravise plus grinmint le tour de France, ou de loin quand que j' qué d' sus , ou alors pour ché paysaches .....

direz , que j' su trop moralisateur, je reconnais, et voyez l'pire ch'est que zavez raison

quand que j' vo qu asteure la marque Festina , marque de montres suisses , qui s a arrêté de sponsoriser le cyclisme suite à l histoire Virenque .... et qui qui s appelle la personne qui représente la marque Festina asteure dans les publicités, j' vous mets dins l' mile, ch'est Richard Virenque

preuve que ché gins ont volontair'mint la mémoire courte

pire , quand que j' vo que ch'est Jalabert qui commente le tour de France, alors qui a été aussi pris par la patrouille, j' me dis qui a pas d' morale

mais pourquo qui yauro une morale d ailleurs, tout cha en fin d' compte ch'est d abord d' l argent avant d ete du sport ..