Les jardinsIl éteut une fos à Berlencourt el Cauroy partie 1
par gabriel le, 28/08/2018Imaginez Berlincourt-el Cauroy in 1900 : y a l’câtiau et pis queques cinces su l’route principale et autour dal bielle forêt d’Berlincourt.
Dins chaque camp, in peut vire des vaques et dins chaque cour ed cince, un tas fien.
In intind l’vie tout autour ed ti : des beuglemints des vaques, el cant des cos et des osiaux. Les gins, des cinciers, vous ravisent et quind is sorient, in vot bin qui minque des dints.
Dins c’village, y a un garçon qui s’lomne Paul et qui va à l’écoille à pied. Il dot aller deuch Cauroy à Berlincourt par el pus court quemin ch’est à dire par l’forêt. Alle est privée mais Mr Devoisier, el comte ne dira rin.
Chal forêt fait peur et Paul cache toudis après un copen-ye pour faire route aveuc li. Alors, il prind sin sifflot fabriqué par li-même et siffle à s’mote. Il espère que quéqu’un li répondra. Ch’est Emile dit Ch’Mile el preume.
Les deux compagnons s’arroufent. Paul est bénache car ch’Mile vint de li apprin-ne eune bonne nouvielle : C’seoir, Paul sera présenter à la confrérie des Courageux.
Habile ! Chal cloque sonne, il faut se dépêquer car l’maître est très sévère et n’a pas quer des artardataires.
A suivre ...
Merci à « banque chtimi » à l’adresse: http://banquechtimi.blog4ever.com pour ses lexiques de chti.
Gabriel Caux
