Il éteut une fos à Berlencourt el Cauroy partie 2

Il éteut une fos à Berlencourt el Cauroy
2e partie

El seoir, ch’Mile artroufe ch’Gab et sa bande derrière l’églisse sur el grinde allée du câtiau. La confrérie des courageux de Berlincourt s’est réunie en c’jour du 17 brumaire, in commission extraordinaire pou parleminter d’eune intronisation probape d’un nouveau mimbe se prélommant ‘ch’Gab’ dit ‘Tite leunette’. C’dernier n’sera déclaré mimbe à part intière qu’après aveoir réussi 4 épreufes.

1. Ramasser 50 guernoules en moins d’une heure.
2. Faire eune caresse à « Vilain » el quien des Merler*.
3. Aller coper un poil ed moustache au père Delambre pindant s’couche*.
4. Aller voler un baiser su l’bouque à la belle Ansquin : Sabine.

Pou el première epreufe, ce fut une partie rigolate pour ch’Gab car il n’aveut pas peur de ches tites biêtes là. Il connaisseut un coin eul long dal Canche d’où qu’i n’aveut al ploute*. Aveuc un sac in plastique, il ramassa les 50 guernoules in moins d’eune heure.

Pour la deuxième épreufe, ce fut moins facile. Tite leunette a quer des tites biêtes mais pos des greusses. Pis el quien des Merler, c’est pos el toutou à mamère mais un vrai quien d’warde*.
I est ahoqué* à un pieu, aboie très fort et fait des bonds ed 3 mètes quind in l’approche.

Alors Ch’Gab prit sin courache à deux mains et alla direct in direction ed « Vilain », la boule au vinte et aveuc eune pognée ed croquettes dins l’aute. « Vilain » vit l’intrus arriver et comminça à argibonder*. Ch’Gab s’approcha douchemint, jechta ses croquettes à ses pieds mais visiblement cha l’intéresseut pas trop Vilain.
Impossible ed l’caresser, i n’faisot que d’brailler. « Gintil, qui diseut ch’Gab, gintil toutou, t’as quer les croquettes hein ? » Mais cha marcheut pos. Heureusemint qu’l cincier i a venu et a fait taire sin quien. Quelle chance pour tite leunette, i a pu faire une catoule à Vilain et réussir l’deuxième épreufe.

Merler : famille de Berlancourt-le Cauroy
De même que Ansquin et Delambre
Couche : sieste
al ploute : à foison
warde : garde
ahoqué :attaché
argibonder : chahuter

A suivre …
Merci à « banque chtimi » à l’adresse: http://banquechtimi.blog4ever.com pour ses lexiques de chti.
Gabriel Caux