du porte plume à la liste des courses

à la reflexion, né en 1960, in a été ché derniers à connaite la "vielle" école primaire
d 'abord pas de mixité, école des files d un coté , école des garchons d' l' aute ......
et durant toute ch'te périote du que j éto à l école Loubet, j a eu comme compagnon d' route, ch' fameux porte plume ...

comme compagnon, ch'est bien l' mot, pasque in a appris as' connaite, ou plutot in a appris à bin l utiliser, à tremper l' pleume à la bonne hauteur dans l encrier qui éto incrinqué au coin d' sin pupitre

pas trop au fond , sinon l' pleume ale éto ingorgée d enque, et té pouvo et' sur d' faire des patés ....

pas trop au bord , sinon té passo t' vie à tremper et à artremper l' pleume, avec comme risque , d' faire des ratures sur sin cahier ..........

in a appris à écrire avec l' porte pleume, à faire ché pleins et ché déliés, à bin écrire dins ché lignes ....

à s appliquer à arcopier ché majuscules, bien pinser à mette l' tchiote barre au miyeu du h, ou sur le p toudis majuscule....

in faijo attention à pas faire d' ratures, à pas trop appuyer au risque d' abimer l' pleume , in s appliquo quoi.......

pi quand qu in a arrivé en sixieme, le porte pleume y a été rimplaché par le stylo bile, et j' sais pas si vous vous souv'nez d' cha, le stylo Pentel, de couleur verte, à mi ch'min entre le stylo pleume et le stylo bile .....

mais tout cha ch'est pas l' but d' min sujet, nan, j' em dijo qu à l école in s éto appliqué à bin écrire, à respecter ché pleins et ché déliés , in minuscule ou in majuscule , pi aussi en script ....

asteure à l école, ch'est stylo bile in priorité, mais ch'est pas l' but d' min sujet ............

nan j' em dijo qu à l école primaire in s éto appliqué à bin écrire et meme asteure , meme si in est plus indulgent là d'sus, in s attache à avoir eune écriture lisipe, à défaut d' pas trop faire d' fautes d 'orthographe ,mais cha ch'est cor un aut'sujt ...

mais tout cha ch'est pas min sujet, j' me dijo tout simplemint qu asteure, eune fo avoir quitté l'enseignemint, eune fo dans la vie active ou dans la vie d' tous les jours, bin , busiez bin mes gins, mais in écrit d' moins en moins ...

pasque à part faire un calcul au coin d'eune tape, ou à marquer ché courses à faire, toudis au coin d eune tape, bin cachez quand que vous utilisez un stylo bile au lieu d' vot' tablette ou d' vot' téléphone ...

les temps cangent ... à méditer mes gins à méditer