Les jardinsterri ou terril ?
par minloute le, 04/11/2018cha a fait toute eune histoire, pasque Dany Boon i avo dit "terril" au lieu de "terri"
ch'est pas graffe dans l' fond, mais j in a parlé avec certains, et en fait c'qui dérinche dans l interprétation de Dany Boon, ch'est surtout d'la fachon qui a pour canter cha ...
sur qui interprète cha avec eune certaine désinvolture ou un ton qui pourro passer pour d' la dérision
alors que ....
alors que , ch est eune canchon qui nous touche fort nouzautes qu in est du bassin minier
j a toudis l' souvenir à la fin d' leu vie d' Casimir min vigin del rue Leverrier, tout perdu dins sin grand fauteul ou d' Fortuné, colosse terrassé avec ses bouteles pour respirer d' chaque coté .....
après j' va pas tirer à boulets rouches sur Dany Boon, vu qui éto pas "d'chez nous" mais du coté d' Armentières ....
in fait quand qu in ravisse bin le Nord Pas de Calais, ch'est 2 départements, avec souvint l' même patois , mais ch'est in fait plein d endroits bin différents
ya pas grand cosse d' commun entre un mineur, un cinsier du coté d' Thérouanne, un péqueu d' Boulone, un fileur du coté d' Roubaix ......
sur que Dany Boon y a pas su bin interpréter l' canchon pasqu i éto pas du coin ..
mais in est combien à avoir canté gaimint le p'tit quinquin, alors que si in acoute bin ché paroles, ch'est bien la misère du temps des filatures qui est ichi cantée
