la télévision le générique ORTF

Croyez pas qu in passo de la fameuse « mire » directemint aux programmes ,,,

nan, mes gins, les programmes cha s' mérito, fallo passer plusieurs étapes et avec du recul j' comprinds que cha nous déringeo pas

ch' poste là, dins ch' coin del pieche, chéto le progrès, la magie, et un sacré cang'mint dans la vie d' ché gins ,,,,,,

ch'est à partir de ché momints là, que ché gins i zont comminché, non pas as' cloitrer à l intérieur, tout au moins à pu passer des soirées dehors avec eune cayelle à discuter avec ché vigins ,,,


le début des programmes éto prévu à 19 heures, in alleumo ch' poste un peu avant, pas qu in éto forchémint très pressé, mais djà fallo que tout à l intérieur d'l apparel i cauffe, et que tout i se stabilise : imache comme son

ch'éto d ailleurs non pas eune crainte, mais eune méfiance permanente qu in avo quand que min père alleumo ch' poste, que tout i s' mette bin ,,,,,,

cha y est la mire ale est là, in guette alors l ouverture des programmes

quand que j' parle «  d ouverture » , ch éto vraimint l' mot juste, in vo dro juste aprés la mire, au générique d' l ORTF

j' vous la fait court, l ORTF , chéto du temps qui yavo que des chaines publiques, i n avo que 2 d ailleurs ach' momint là ,,,,,

alors imaginez l' tableau ,,,,,

assis dins ch' canapé, vla que la mire ale disparaît et qu apparaît al' plache comme eune vue d' l espace avec des étoiles partout et pi miraque d' la télévision, le sigle de RTF i commincho à bouger

j a fais d expres de marquer RTF , j voyo pas le O dans les premiers temps

pi as' déploie pour faire des zanneaux , pi cha comminche à tourner ,,,,,

in éto à l aube des effets spéciaux et c' qui asteure nous fait pu réagir, autant à l époque in trouvo cha magique d' pouvoir faire tourner ainsi un sigle et qui s' transforme à la fin en étoile qui disparaît ,,,

tout cha avec eune musique des plus pompeuses, qu ale accompagno vraimint bin l' déploiemint des zanneaux

ch'te musique ale avo un coté des plus solennels, avec ché trompettes comme au temps d' l arrivée du roi solel,,,,,,,,

du ginre «  attintion mes gins , écartez vous, baissez l' tiete , vlà ché programmes qui arriffent » ,,,,