la télévision good morning oslo

fin des années 60, in avo eune vision plutot restreinte de c' qui s' passo à l aute bout de la planete...

asteure suffit qu un cat japonais i fasse quéquosse d' rigolo, dans la minute ch'est publié sur les réseaux comme in dit ...

nan, not' télévision ale éto "nationale", in voyo pas à la télé tous les éven'mints en direct , pour preuve la retransmission des jeux olympiques à mexico ...

sans parler qui éto pas envisageape de faire des retransmissions in direct, si chéto pas dans le créneau des horaires d' la télé d ' l époque ...

mais yavo des momints du que cha nous paraisso, à l époque" formidape d' pouvoir suive cha , chéto tout c' qui éto en "eurovision"

yavo djà la speakrine qui nous l' préciso, chéto en eurovision, et après in avo dro au fameux générique

le générique de l eurovision , accompagné aussi par ché trompettes ........

et là , bon , si tout s' passo bin in avo dro à la retransmission sans problème ...

yavo deux émissions qui étotent retransmises régulier'mint en eurovision

chéto "jeux sans frontieres" et "l eurovision"

sur que quand qu in intindo "goog morning oslo", mi cha m' marquo vraimint

d ailleurs ch' est bete à dire, mais j' raviso si ché gins là, ché "étrangers" i zétotent vraimint comme nouzautes ....

pour in arvenir à la restransmission de l eurovision, quand qu à la fin , au momint des votes, fallo aller d un pays à l aute pour avoir ché résultats , à chaque coup cha nous paraisso presque un tour de magie, au moins eune sacrée preuve du progrès technique .........

cha nous parait loin tout cha, faut printe un peu de recul , mais l arrivée de l internet ale a tout cangé ....

j' dijo au début que fin des années 60 in avo eune vision plutot restreinte de c' qui passo en dehors des frontieres ...

j' me souviens que meme fin des années 70, à travers d émissions comme la course au trésor ou la course autour du monde, ch'est à partir de ché momints là qu in a comminché à connaite bin plus le monte qui nous intoure ...

tout cha en moins d' 50 ans ....