la télévision... et pi s' in va ..

in a connu "l age d'or" d' la télévision, j' parle meme pas d' la qualité des programmes cor que in auro d' quo in parler un bon momint ...

suffit d invoyer un mémémesse et té peux gagner 100 000 euros ..

suffit d' réponde à eune question qu un tchiot d' maternelle i conno l' réponse et té peux gagner l' meme somme .....

mais cha ch' est un aut' sujet ...

nan , quand que j' parle " d age d ' or" ché la place prépondérante qu ale a pris dins ché foyers ....

ale a bousculé nos habitutes, mi j a connu la fin des soirées d été dans la rue d isbergues , du qui yavo cor des gins qui sortotent leu cayelles pour discuter intre eux dehors ....

mais la télé ale a pris l' dessus, chacun i s a claqu'muré as' mason pour suive ché programmes .....

la télé ale a pris eune place prépondérante, ale a meme modifié not' mobilier ...

nos parints ont tous acaté un salon , canapé et fauteuls, qui ont fait leur fierté ......


in nous prévoyo des centaines de chaines pour l an 2000, bin ch'est fait

voyez au départ j a hésité à marqué que la télé ale avo pris eune plache indétronape, bin ch'est c' qui pourtant est en train d' commincher as' faire ...

asteure l ordinateur, ché portapes, et meme ché montres pour certains, cha permet d' suiffe ché programmes sans passer par le support du poste de télévision ....

j a marqué "suive ché programmes", ch'est fini aussi ch' temps là, avec tout c' qui s' développe asteure, in est pu tous en train d' raviser l' meme programme , in choisit

j' dis pas que l offre ale est forchémint plus selective en terme d' qualité, mais sur que si té veux raviser que du foot al' télé sans raviser les informations , té peux ......

avec le progres technique, tout i cange à eune vitesse que meme souvint i nous faut du recul pour s in rinte compte ...

aprés la télé est v'nu ch' greffer le magnetoscope, la cassette vidéo, pi le cd ...

zavez vu , ch' magnétoscope ch'est djà aux oubliettes ...

ainsi va la vie ...