cor eune qui va passer à la trappe ...

j' parlo y a pas longtemps de la disparition du mardi gras rimplaché par alouine ......
i n' a eune aussi qui est en train d' passer à la trappe, ch'est Sainte Catherine ........

in plus ch' t année, avec ché "problèmes de transition écologique" que ché gins i manifestent avec ché gilets, in va nin in parler .....

djà en temps normal, ale a comminché à et' rimplachée par eune sainte qui vient d amérique, ch'est Sainte Blaquefraydé....

cor qu in peut hésiter à l appeler Sainte, vu que Blaquefraydé, ale est là pour vous inciter à la tentation, à dépenser plus que raisonnape ...

et l' envie, j' m in souvins cor d' min cours de cathéchisme, cha fait partie des 7 péchés capitaux ......

nan, cha s' fete pu Sainte Catherine

pourtant comme grinmint d' saintes, ale a mal fini

quand que j' dis cha cha veut pas dire qu ale a mal tourné...

j' va vous résumer s' vie..

ale vivo à alexandrie dans les années 300
ale devient chrétienne, pi ale essaye d' convaincre l empereur, mais li i veut n in faire s' seconde femme

ale arfuse

j vous passe les détails, mais à la fin ale est décapitée .......

ale avo 18 ans ...

triste fin, et pourtant ch est l' coté , qu ale a pas voulu s' marier , qui a été retenu

et ch'est pour cha qu in feto les files qui arrivotent à 25 ans sans et' mariée ..

in l' fete pu

d' abord in s' marie moins, pi si in s'marie ch est souvint bin plus tard .......

pi surtout , comme in est dans un monde du qui faut pu rin dire sur tout l' monte , cha m étonnero pas qui a eune ligue féministe ou affiliée , qui d'mante qu in fete pu chte fete DISCRIMINATOIRE .......

intre nous terripe que dès qu asteure in s'moque d' n importe quo y a toudis des voix qui s élévent pour s offusquer

in peut pu s' moquer des accents, de tout c'qui touche à la religion ou à la sexualité de certaines personnes .....

en fait, j' me faijo la reflexion , in est dans un monde d' consommation à outrance, le blaquefraydai cha en est la preuve ........

et d un aut' coté in a jamais autant rigoriste, autant à ch' val sur les opinions ou les comportements des gins .....

mi j' préfère garder le souvenir des cartes de sainte catherine qu in trouvo à mon d' chez Defernez, rue anatole france à bruay les berdoules

du plaiji qu avotent ché files à archevoir ché cartes , chéto considéré un peu comme les cartes de poisson d avril

tiens tiens ,cha disparait cha aussi le poisson d avril ...

j' vous mets chi quelques cartes de sainte catherine, qu ale zont "queques " zannées

s agit de cartes recues par ma grand mère aux alentours de l année 1905.....

cha comminche à faire ...

N'hésitez pas à retourner voir dans la rubrique "Fêtes et loisirs" la sous rubrique "Ste Barbe, St Eloi, St Nicolas, Ste Catherine" vous y trouverez de très nombreuses cartes de Sainte Catherine
J'y avais mis toutes les miennes, datant de la fin années 50 à années 70, mais d'autres encore