Les jardinsBruay, sa géologie
par minloute le, 13/01/2019j' voudro vous rassurer tout d' suite, sur qu avec un titre comme cha, in pourro s inquiéter ...
nan , ch'est plutôt eune réflexion sur le passé et l avenir d eune cité minière
le coté "géologique" cha va et' court..... avant Bruay chéto un tchiot villache agricole situé tout in bas, le long de la Lawe
ch'est la rivière qui a attiré ché gins à s installer là depuis ché gallo romains, voire cor plus tôt
tchiot villache tranquille , rin à vire avec les "métropoles" d' l époque , Arras, Hesdin, Thérouanne et Aire, sans oublier Béthune ....
jusqu au jur qu in a trouvé du carbon dans l' Pas d' Calais, qui ya eu des sondaches d' fait un peu partout ...
qu' in n' a trouvé rapid'mint au niveau du futur numéro 1 et du futur numéro 3.......
de là, connaissez la suite, en 50 ans, le bassin minier s' est developpé à eune vitesse et eune ampleur qui a du sembler presque inhumaine pour ché zanciens .....
in est v'nu d' un peu partout, la mine a agi comme un véritape aimant au niveau du traval ......
dins m' famile, in est venu de l ouest , du coté de Fruges, in est venu du nord ouest , du coté d' Isbergues, in est venu de l est , du coté de Cambrai ....
zont quitté ché camps, ché zuzines d' métallurgie ou la production de lin .....
zavez vu ché fini pour ch' coté "géologie" .....
