le gouter , ouais mais ch'est pratique

al' mason in a 2 poubelles, la "jaune" du qu in met tout c'qui est carton, plastique, et toute sorte d emballache, et la poubelle "classique" du qu in met l' reste, hors bin sur ch' verre qu in va vider au poste de tri prévu pour cha ....

j' faijo l' constat avec grand mère, ché 2 poubelles qu in a , i zont la meme taille.......

bin la poubelle avec ché plastiques as' rimpli aussi vite sinon plus que la poubelle dite "classique"

zallez dire , plie tes boutelles plastiques minloute ,cha prindra moins d' plache.....

ch'est fait ...

à croire que ché produits sont d' plus en plus fragiles, à vire la quantité d emballaches qui faut rin que pour eune boite d' biscuit

ch' plastique extérieur, le carton , pi d'dins cor un plastique, pi d'dins eune barquette pour tenir ché biscuits, pi cor un plastique vu que chaque biscuit y est emballé individuel'mint ......

tout y est emballé individuel'mint, faut dire comme diro l aute ch'est pratique ....

j' vo pour la compote , avant in ouvro un gros pot en verre, in l étalo sur eune tartine , ou dans un bol et ch'étot tout

asteure, ch'as' vint en gourdes, j' va pas vous zarfaire le détail, mais rin qu avec ché zemballaches individuels cha in fait .....

mais faut aller avec son temps qu on dit.......

allez faire minger à ché gosses, c' qu on mingeo à l époque ...

eune tartine avec un morciau d' chocolat d' dins .....

ch'est pas pratique qu on m' dit, pourtant in minche cha à tape ....

nan i préfére ché zeu d' chocolat avec ch' cadeau en plastique à l intérieur, du plastique à l intérieur du minger quand qu on y pense ...

pourtant y do y avoir moins d conservateurs et d' colorants, dins ch'pain et ch' chocolat, que dans ché produits individuels


cor que , in est pas dupe , l' chocolat, avec ché nouvelles normes , cha a cangé aussi en qualité

et pourtant , eune bonne tartine avec un morciau d' chocolat mes gins ,cha ch'est bon ......

pour aller au bout du systeme, ché nouzautes, pour ché déchets "normaux", i passent toutes les semaines

et pour la poubelle plastique tous les 15 jours, mais vu qu ale est pleine au bout d eune semaine, bin in armet les plastiques dans la poubelle normale ...

ch'est l' monde à l envers ...