il reste du gigot , agenda 1953

« il reste du gigot »,,,,,,,,,

même si j éto pas né en 1953, j' l arvo m' mère en train d'préparer ché menus sul' tape d' la cuisine,,,,,


ale l a toudis fait,,,,,,


maman al' « préparo ché menus », jamais j'l a vu partir même plus tard « à mon Cora », sans avoir eune liste bin précise de c' qu ale alo acater

au décès d' sin père , qu ale avo 16 ans, y a fallu serrer l' ceinture al' mason et un sou chéto un sou,,,,

pi après ale a connu la guerre, mais surtout les années juste après qui ont été pour elles les plus pénibles ,,,,,

jeune mariée, avec l arrivée de 3 zinfants en 4 ans, cha avo pas été simpe, surtout comme ale le rappelo , tout l' monte croyo qu après la guerre, presque du jur au lendemain in allo retrouver dins ché magasins , tout c' qu in trouvo avant la guerre, et dans les mêmes quantités ,,,,,,,,

y a eu des tickets de rationnement bin après septembre 44, le mois d' la libération de Bruay

cha du durer jusqu en 47 48

3 zinfants à s occuper , après guerre , fallo gérer , comme l on fait bin des ménagères d' l époque ,,,,,

alors ale faijo attention à tout, et surtout in jeto pas...

j' em souviens même 30 ans après , chéto presque un drame pour elle d' devoir jeter eune soupe qu ale sero devenue surette, ou des pétotes pourrites

in tout cas ale le faijo pas d' bon cœur


« il reste du gigot » , l art d accomoder ché plats ,,,,,,,,,,,,


in mingeo ché restes et j' do dire qui a des coups j' préféro même l' récauffé ou même armingé mais frod

in récauffé, tout c'qui éto « daube », du que ché pétotes avotent caramélisé,,,,,,,

ou ch' bœuf dech' bouillon, frod, avec eune vinaigrette, des morciaux d' œuf dur d'dins, pi capres et oignon ,,,,,,,,,,

vinguette, pour mi un plat de roi ,,,,,,,,,,,,,,,

j a mis l' photo del' pache d l agenda, du que m'mère ale avo marquer l arcette d' la «  sauce pauvre homme »

pour mi , toudis émouvant d' artrouver s' n écriture si caractéristique pour mi, toute en rondeur et d 'une grande lisibilité ,,,,