asquident à mobylette

Fortuné ch' viux mineur que j' connaisso i m impressionno quand qui finquo

rin que del vire rouler eune cigarette, cha valo l' coup del vire ...
d' abord yavo pas des mains mais des batinsses.....

j avo eune dizaine d années et quand qui fallo li serrer la main , j éto toudis su la défensive, oh pas qui auro serré comme un malate, mais ti donno t' main té l arvoyo pu tel' mint l' sienne ale éto énorme

alors del vire rouler c' cigarette, à l ancienne mes gins ,sans boite in fer, printe juste la quantité d' toubaque qui fallo , l' mette dins l' tchiote feule à papier , rouler ch' toubaque , mouiller ch'papier d un coup et l' coup après l' cigarette al' éto au coin d'es bouque .....

mais chéto sin briquet qui m impressionno, chéto ch' ginre d' briquet que t artiro ch couverque, té metto t' guiffe pas trop près sinon t avo pu d' caveux ....

cha faijo eun' flamme d enfer , et mi j éto baba quand que j' le voyo armette su ché flammes ch' fameux couverque

j avo d' mindé si y s éto jamais brulé ach' jeu là, et là y m a raconté eune histoire qui li éto arrivée

et quand yen rigolo autant en l' racontant, chéto quequ' décennies en arriere, y avo d'mindé à Marie s' femme d' préciser l année, mais j' savo d avinche qu ale sauro pas mais bon , i d'mindo toudis l avis d' Marie ...

i éto cor jone Fortuné, i avo pas d' carette, et yavo acaté eune espéce d' mobylette d occasion

"j' sorto dech' carreau del mine, j avo alleumé m' cigarette, et à l époque j avo cor un briquet à amadou, j' sais pas commint j a fait mon compte, mais quand que j l' a armis dins m' poque , l amadou y éto pas éteint ....

mi j' roule , pi à un momint j' vo bin quéqu un qui m' montre du doigt, j' em demindo quo qui m éto arrivé et en m artournant j' vo del finquée sortir d' el poque d' min mantiau ...

un momint d égar'mint, j' ravise pas du que j' va, j a pris l'bordure et patatra , teut' souviens Marie? mi cha allo cor , mais l' veste , bin té la raccomodé comme t as pu hein ......"

viux souvenir qui m est arvenu en lisant le sujet su ché briquets