la boite à pharmacie partie 1

boite à pharmacie ou boite à torture ?

oh , sur qu'asteue cha fait plutot sourire, mais ya cor 50 ans , té raviso à deux coups quand que t' mère ale ale querre la boite à pharmacie ,,,,,

as' deminder si in éto moins fragile dins ché années là ,,,

as' deminder si fallo pas qu in médicamint i so pas agréape à printe ,,,,,,
du ginre , plus qui est dégoutant , plus y est bon pour eut' santé ,,,

la boite à pharmacie al' mason chéto eune boite in férale d' récupération ,,

sur d' min coup , vu qui yavo cor l emballage bleu in papier autour, chéto eune ancienne boite à biscuits ,,

par conte j 'sais pu si chéto Lu ou Delacre ,,,,

eune fo ch' couverque d artiré, teut'prenno dins l' guiffe un sacré mélanche d odeurs , qui semblo vouloir nous prévenir qu ichi ch éto plus un remède qu un médicamint ,,

effet garanti assuré, tans pire si chéto pas agréape à printe ,,,

té quéyo à terre ?

t avo dro au mercurochome avec s' belle couleur rouche, qu in badigeono avec du coton hydrophile,,,

coton hydrophile qui avo tendance as' coller dins ché plaies, qui fallo artirer avant d' poser le sparadrap,,

sparadrap qu in avo découpé au cizeau un morciau dans eune grande bande

t arparto , t avo ch genou tout rouche ,,,,meme qui fallo eune paire d' lavaches pour que cha parte ,,,

rouche sut' gampe ? bleu dins t' bouque alors ,,,,

savez ch' bleu d' méthylène qu in devo boire al' cuillère pour soigner not' gorge mais qu in avo dro au passache à eune bouque toute bleue ,,,,,

bleu dins t' bouque ? et pourquoi pas noir alors ,,,

souv'nez vous , si t avo l' drisse , t avo dro à ché granulés à base de carbon ,,,

allez minloute ouv' eut' bouque, pi té mache bin avant d avaler hein ,,,

cha crisso sous les dints, cha paraisso tout sec , avec un arriere gout d'moisi et là parel, teut' raviso tout d' suite après dins l' glace, t avo l'lanque toute noire ,,,