vive el café, chanson

Vive l'café

On critriqu' nos ménagères,
Pa’ c' qu'on vot, tout l'long du jour,
Su' l'buich du poél', leus caftières,
Comme un guetteure sur eun' tour.
L'un dit : Ch'est un ruin.' ménache.
L'aut' dit : Ch'est un vrai poison !
Ah ! cessez tout ch'babillache,
Acoutez putôt m'râison :
Quand un n'séquoi nous désole,
Quand l'malheur nous gifflé,
Ch'ést du café qui nous cônsole.
Vive l'café ! Vive l'café

Un homme' dira : Te me ruines,
A s' femm', quand, avec quéqu's sous,
Elle invit' voisins, voisines,
Et qu'ell' les régal' tertous !
I' n' compt'ra point l' chuc, j'espère,
Car, i' dot l' savoir comm' mi
On s' sert, dins parelle affaire,
D'un p'tit morciaux d' chuc candi.
Quand un n'séquoi nous désole,
Quand l'malheur nous gifflé,
Ch'ést du café qui nous cônsole.
Vive l'café ! Vive l'café

Qu'un infant d'eun' pauver femme,
Faiche eun' maladi' d' longueur,
Ell' viendra malade ell'-même
Si rien n' li rassur' sin coeur.
Mais ch' n'est point cha qui l' tracasse
Nuit et jour ell' le soingn'ra,
Tout in buvant s' petit' tasse,
Chaq' fos que l' sommei viendra !
Quand un n'séquoi nous désole,
Quand l'malheur nous gifflé,
Ch'ést du café qui nous cônsole.
Vive l'café ! Vive l'café

Quand min voisin fait ribote,
Sitôt qu'il intre à s' mason,
A s' femme, i' flanque eun' calotte,
Elle, ell' prind s' manche à ramon...
Si j' veux fair' cesser l' bataille,
J'intre, et j' cri tout min pus fort
« D'eun' tass' de café, j' régale !... »
Cha les r'met tout d' suit' d'accord.
Quand un n'séquoi nous désole,
Quand l'malheur nous gifflé,
Ch'ést du café qui nous cônsole.
Vive l'café ! Vive l'café

L'amour est fait pou' l' jeunesse,
Comm' les cats pour les soris.
Qu'un jeune homm' quitte s' maîtresse
Cheull' pauv' fill' pouss'ra des cris,
Des soupirs, des esclamasses !
Parl'ra d' se j'ter dins l'iau...
Fait's-li boire eune ou deux tasses,
Elle obliera l' galuriau !
Quand un n'séquoi nous désole,
Quand l'malheur nous gifflé,
Ch'ést du café qui nous cônsole.
Vive l'café ! Vive l'café

On a dit qu' ch'est l' sang des femmes,
Ch'est l' pus gross' des vérités,
Mais j'ajout' : Les homme' euss'-mêmes
N'in sont point bien dégoûtés.
Quand, d'avoir trop fait bombance,
Un homme a l' coeur débiffé,
Il a r'cour' à ch'l ordonnance
Eun' demi-onch' de café.
Quand un n'séquoi nous désole,
Quand l'malheur nous gifflé,
Ch'ést du café qui nous cônsole.
Vive l'café ! Vive l'café

Infin, cheull' boisson si bonne
A mérité d' porter l' nom,
Qu'à Lille, un chacun li donne
Liqueur de consolation.
Pour guérir eun' peine estrême,
Personn' ne m' démintira,
Les méd'cins, Raspal li-même,
N'ont point de r'mèd' si bon qu' cha.
Quand un n'séquoi nous désole,
Quand l' malheur nous a giffé,
Ch'est du café qui nous console.
Vive l' café ! Vive l' café !