Jeanne-Maillotte, chanson

JEANNE-MAILLOTTE
Chanson

Un n' séquoi qui m' tripotte,
Ch'est qu' jamais, Brûl'-Mason,
N'a fait sur Jeann'-Maillotte,
Un p'tit couplet d' canchon.
Pourtant, cheull' cabar'tière
Méritot bien ch'l honneur,
Car, comme eun' vrai' guerrière,
Elle a moutré du coeur.

Refrain :
L'histoire d' Jeanne-Maillotte
N'est point moins biell' qu'eune aute,
Et vous direz,
Quand vous l' sarez,
Qu'ell' mérit' vingt couplets.

Maillotte étot l'hôtesse
Des confrèr's Sébastien,
Exerçant leu-z-adresse
A tirer d' l'arc fort bien.
Au mitan d'eusse, ell'-méme
Avot l'honneur du : JO !!!
Car on a vu cheull' femme
Abatt' souvint l'ojeau

Refrain :
L'histoire d' Jeanne-Maillotte
N'est point moins biell' qu'eune aute,
Et vous direz,
Quand vous l' sarez,
Qu'ell' mérit' vingt couplets.

Volant s'im? arer d' Lille,
Les Hurlu' , in hurlant,
Un jour, à pus d' vingt mille.
Vienn'tent friant-battant.
Un Lillos, qui s'amusse
A vettier su' l' rempart,
Meurt d'un cop d'arquebusse
Qu'il a r'chu d'euss', quéq' part.

Refrain :
L'histoire d' Jeanne-Maillotte
N'est point moins biell' qu'eune aute,
Et vous direz,
Quand vous l' sarez,
Qu'ell' mérit' vingt couplets.

Cheull' nouviell' donn' l'alarme,
Et met l' vill' sans sous d'sus.
Chaq' femme n' fait qu'eun' larme,
Les hommes sont tout réus ;
On dit qu'un nommé Ph'lippe,
N' pinsant pus qu'à s'armer,
A mêm' laiché là s' pipe
Sans finir de l' feumer !

Refrain :
L'histoire d' Jeanne-Maillotte
N'est point moins biell' qu'eune aute,
Et vous direz,
Quand vous l' sarez,
Qu'ell' mérit' vingt couplets.

Veyant cha, Jeanne-Maillotte,
Avec tous ses archers,
Surnommés nul-s'y-frotte,
Vient su' l' Plache à Bleuets.
Ell' fait cesser les plaintes,
Chaq' femm', dev'nant soldat,
S'arme d'un painnier d' chintes
Pour courir au combat.

Refrain :
L'histoire d' Jeanne-Maillotte
N'est point moins biell' qu'eune aute,
Et vous direz,
Quand vous l' sarez,
Qu'ell' mérit' vingt couplets.

Et, n'aïant point pus d' craintes
Qu' nos zouav's si résolus,
Chés femm's vont j'ter des chintes
Dins les yeux des Hurlus.
Maillotte, avé s'n hall'barde,
In met tros chints d' côté,
Et, sans pitié, les larde,
Comm' de l' chair à pâté.

Refrain :
L'histoire d' Jeanne-Maillotte
N'est point moins biell' qu'eune aute,
Et vous direz,
Quand vous l' sarez,
Qu'ell' mérit' vingt couplets.

Les Hurlus I' peu qui reste,
Voyant qu' cha va maj'mint.
N'ont point d'mandé leu reste
I' sont partis viv'mint.
Nos guerrièr's, vrai's toutoules,
Glorieus's d'avoir vaincu.
Criott'nt comm' su' des droules
«Hahu1habu11hahu !!!»

Refrain :
L'histoire d' Jeanne-Maillotte
N'est point moins biell' qu'eune aute,
Et vous direz,
Quand vous l' sarez,
Qu'ell' mérit' vingt couplets.

On a ram'né Maillotte
In triomphe, à s' mason.
On a fai' eun' ribotte
Pindant hui jours de long.
Et, r'devenu' cabar'tière.
A les jeun's comm' les vieux,
Jeann'-Maillott' servot s' bière
Avé s'n air amiteux.

Refrain :
L'histoire d' Jeanne-Maillotte
N'est point moins biell' qu'eune aute,
Et vous direz,
Quand vous l' sarez,
Qu'ell' mérit' vingt couplets.

Comme un souv'nir, on garde,
A l'Administration
L' biau portrai' et l' hall'barde
D' cheull' cabàr'tière in r'nom.
Eun' nouvell' que j'ai crue.
Ch'est qu' laichant là ch' tableau,
On mettra s'n estatue.
Sus l' Marqué à p'tit viau !.

L'estatu' d' Jeann'-Maillotte
N' s'ra point moins biell' qu'eune aute,
Et vous direz,
Quand vous l' verrez.
Qu'ell' mérit' chint couplets.