Les jardinsjuste eune impression
par Marie-Claire le, 15/12/2005C'soir j'étos dvant min PC et j'em disos, quoi qui féjotent nos parints, y avot pas d'PC et core achteure d'ailleurs ché pas l'cas d'tout l'monte
Bon mi i ravisotent djà l'télé mais pas trop tard, y avot aussi c'qu'in appelot des séries, in allot faire série amon d'untel ou à s'mason, i passotent l'soirée à papoter, à juer aux cartes, ché femmes ales am'notent leus ouvraches, ché cha qui s'a l'plus perdu j'cros bien. Oh cha s'fait core d'passer des soirées ché les gins mais in général à l'occasion d'un r'pas.
Non avant in féjot cha après l'repas et cha cha ne s'fait pus gramint pour pas dire pas du tout.
Alors vla j'vas vous faire eune confidence, mi j'passe du temps d'vant min PC, ché vrai, mais d'un aute côté j'ravisse jamais l'télé alors au niveau temps cha arvient au même
Et d'vant l'PC j'a l'impression d'ete actrice d'quequecosse et pas seulemint spectatrice
Enfin ché juste m' n'impression ..
