Les jardinsun sentimint d' malaisse partie 1
par minloute le, 29/12/2005et après qui so parti , j avo in sentimint d' malaisse, ouais el tchiote misère ale existe cor, pas loin d' chez nous
j peux pas m' impecher d' penser à ché jones là , à leur av'nir , à l' av'nir que j' prépare am' tchiotte , avec certain'mint plus ed moyens ché sur , sans qu in soit des rotechilde , on minque de rien , on s' prive de rien
alors ché vrai , faut aussi penser à ché tchiots qui viffent en afrique ou dans d autes pays et que ché la vraie misère , et que leur vie ale peut ete en danger , ché vrai
et in pourro dire , bin ché jones ed calonne que t as vu, cha auro pu ete bruay aussi ou marles, ou auchel bin ché jones là i minchent à leur faim pas comme dans d autes pays
mais vous pourrez pas m artirer min drole ed sentimint que j a eu quand que j les a vu , j' dis qui a d' sacrés différences de niveaux de vie en france et que l avenir ed nos infants i est déjà pas tout rose qu on s' dit , alors j' su sur que pour eux cha s'ra encore plus difficile
ché pas del pitié que j a eu, pasque j' su sur qui zétotent contints d aller faire les courses avec leur père, j in suis sur, et meme ch' Monsieur, j y a mis eune majuscule, j a pas l' sentiment d' l'avoir rabaissé , sincèr'mint, d ailleurs i éto bin contint d eum' montrer calonne 6 ,calonne 5 , marles et auchel et j a appris quéquosse avec li
