l' piscine grossemy

quand t arrivos dinl' rue dl' a piscine in hiver t avo toudis fro, i a toudis eu des courants d air dans ch' te rue qui lonche la riviere lawe
t arriffe d'vant l' porte vitrée, ale est toute imbuée, t ouffe l' porte , y a comme eune bouffée d' chaleur qui t'tombe ed sus et pi l odeur du chlore, oh à croire i a des coups qui avo plus d' chlore que d io, t arsorto d' la , in auro dit des lapins russes, tous avec des ius tout rouches
bon eune fo que t éto rintré , té devo t ' pencher au guichet pour acater tes billets , té devo presque hurler pasque l' pieche ale résonno fort et l aute i intindo pas grand cosse ed l aute coté d' l hygiaphone
i a eu eune paire ed vedettes comme guich' tiers al' piscine, i n avo un, si in l avo acouté ché pas d' l io qui auro dins l' piscine mais du pinard , pi du rouche , j' l a surpris un coup entre deux portes , i buvo sin litre à glouglou, ptete qui s intraino pour non pas l' grand bleu mais pour l' grand rouche, et là , i devo ete dins ché premiers
i n avo un aute, mon dieu minloute, i li fallo eune heure pour découper ch' billet et t' donner l aute moitié et t' rinte et' monnaie , nous in éto toudis pressés , in voulo profiter du début à la fin del séance
bon cha y est in avo sin billet , vite in rintro , ou plutot in gueulo dins ché cabines qui zavotent eune belle porte jaune criard , pour es dépécher d infiler ch' maillot d' bain, pi d' faire eune conn'rie à sin voisin, pi allez, eune fos ché zaffaires ed dins ch' vestiaire, i fallo passer al' douche, oh i a des coups ale eto froite, et pas moyen d' gruger , ch' maite nageur i t avo à l oeil et t avo intéret à avoir les caveux mouillés et à avoir mis tes ortiaux dinch' bac juste avant d arriver sul' bord del piscine
alors là in raviso si ché garnoules ale zétotent là, in raviso si i avo du gibier , in allo faire les cons, sauter dins l io à coté, faire es ' n interessant , à chti qui plongeo l' mieux jusqu à c' qu in s' fasse ingueuler cor un coup par ch' maite nageur
cha chéto l' piscine grossemy quand qu on éto des adolescents , des grands gamins quoi