l' rue d' pont à vendin

ale éto , d ailleurs ale est toujours , ale a pas cangé d' plache, perpendiculaire al' rue d' isberques, ale avo eune particularité dans l' temps , ché qu ale éto en cul d' sac , achteure ché pu l' cas i l ont arlié avec l' rue d' maubeuche in d'sous

chéto eune rue qu' min père i allo d' temps in temps, pasque chéto là qui habito quand qui a arvénu d' el région parisienne vers 1922
oh mais zinquietez pas ch' père à minloute chéto pas un parigot tiete ed viau, non i éto né rue d anzin, alors appelé ch' long coron
i li artourno pasque ché là que sin père i est décédé en 1923 1924 et ché là qu en fait , li tchiot minloute ed 12 ans i a connu eune périote ed vache maique
vu que sin père i éto mort, et que li i gagno pas assez al' compagnie des mines d' bruay, bin ouais i faijo eune tchiote paye, s' mère ale a du s' résoude à quitter l' rue d' pont à vendin pour aller habiter ché s' soeur rue d' béthisy , ché pas loin , ché juste au d'sus, enfin ché zabitués du quartier du 2 i connaissent cha par coeur
pi à ch' momint là , chéto dur pour li d' travailler pasque tout tchiot qui éto , ch' traval i fallo l' faire et in éto pas forchémint bin tende avec ché jones qui comminchottent pi li i avo sin gros chagrin
pi cha a comminché à s assombrir cor plus , i a fait des épanch'ments d' synovie à sin g'nou, i a du faire des séjours dont deux d un an à berck , et là chéto dur, pasqu i voyo pas s' mère tous les diminches , et que l' semaine chéto long
pi aprés comme solution qui li ont trouvé cha a été d' li artirer sin g'nou et d' souder ché oches del gampe, donc i s a artrouvé avec eune gampe raite
mais j' cro qu' sin grand bonheur dins' vie , ché d' sin et' sorti , d avoir rincontré m'mère et pi d avoir eu d' zinfants , in a connu des débuts dans la vie plus simpe, alors, sans juger ché jones qui s' sont battus cont' l' cpe, j' me diso que pour eux , cha , ché pas croyape et pourtant cha a pas cent ans