Les jardinsché zinter'mints
par minloute le, 14/04/2006min père , comme i a pas été au fond vu qui avo eune gampe raite, i dizo i a une paire d années à m' mère, ringe pas min costume , i arrete te pas d' servir
ché vrai , j' me souviens des bripes ed conversation qui acouto sans vraimint acouter , quand qu' on mingeo à tape, chéto du genre "monsieur untel, tu t'souviens odette (odette ché l' prénom d'eum' mère) , j' travaillo avec li en telle année, bin y est mort " un aut' coup i diso in ravisant dans la voix du nord, j' osse pu raviser l' rubrique ed nécrologie, i a pas eune semaine qui a pas quéqu' un que j' a connu qui est interré
un coup i a été tro fo à l' ent'rmint dans l' meme semaine
faut dire que ché mineurs i vivottent pas viu, alors in a vu passer des gins qui a connu so au boulot, so avec sin syndicat , des gins plus jeunes eq' li et qui a été à l' ent'rmint ....
