du Poste à Galène au MP3
par tiotcharin le, 10/05/2006Bonjour tertous.
j'me rappelle m'in premier poste ed radio. Ch'éto ine tiote boite ed bo.
Ed' sus y avo in tiot cylindre in verre transparent.
D'inch' cylindre y avo in genre ed cailloux gris comme ed l'anthracite. Et pis y avo in ressort in cuivre avec ine pointe, au bout al'sortie d'ech cylindre y avo in bitonnio pour pouvoir faire aller ech'ressort. In metto des écouteurs plats comme ch'é vieux téléphone qui avo d'in l'temps. Après y avo deux trous, in metto in genre ed'crampon si in voulo les tiotes ondes ou in l'inlevo si in voulo les grandes ondes . In piquo ech'cailloux avec el'pointe à ressort et pi in avo d'el musique ou des gins qui parlotent.
Ch'éto in poste à galène (ech'cailloux ch'éto ine galène). Pour mi d'in l'temps ch'éto ine merveille.
Quand in pinse equ'maintenin y z'ont des MP3, ché des vrais juke-box. Intre les deux y a seulemint 50ans d'écart. Maintenin avec internet ch'é l'amérique, mi j'ai été privé ed'connexion pindin in mo avec aol , 12 techniciens qu'y zont pas réussi à l'armettre, du coup in a résilié et in a pris wanadoo. Mais ch'a m'a bin imbété, quand ine n'peut pu rin faire sur internet et qu'in n'a l'habitude. Enfin maintenin ch'a va mieux et m'ar'vla.
Bon à dé tertous et el'rebonjour ed tiotcharin.