Les jardinscantez mes gins Annie DP
par annie62110 le, 26/05/2006Avant ché familles al vivotent din l'meme village quéqu'fos din l'meme rue, quand y'avo un mariache, un bapteme, eune communion, in faiso tous banquet, l'plus bio ché quand in arrivo al tarte et qu'tout l'monde y y'allo de s'tiote canchon.
Comme y cantotent toudi les memes in les savo par coeur, papa cheto "l'espagnolette ou ch'meneu d'bidet" maman cheto "fleur de misère" eune canchon gaie! parrain "el tiote gertrude" eune mémée "le temps des cerises" l'autre "lampiste" matante Aline "au bar de l'escadrille", après cheto des pots pourris d'Tino Rossi, Charles Trenet, Edith Piaf, Luis Mariano, a la fin de ch'repas l'ivresse al faiso sin k'min alors les Capenoules y faisotent leur intrèe.
Quand j'intins dire que not'region al est triste mi j'peux repondre que ché mineurs ché des gais lurons, j'sais pour avoir canté din ché maisons d'retraite, que ché tiots vieux y zont rien oublié y fallo les intindre canter, in a fait un tabac avec "mon amant d'saint Jean" y l'savotent tous.
Aussi mes gins cro'yez me! CANTEZ!!! cha fait un bien fou!!!!!!
