Les jardinsla librairie Dupond
par minloute le, 26/05/2006j' sais pu comme pour ché Dupond ou Dupont des personnaches ed Tintin , si chéto un t ou un d al' fin, mais j a du m' résoude , c' qui m avo dit ch' mineur , chéto vrai, l' librairie Dupont , du centre ville ale éto freumée
ch' rideau i éto baissé, i avo cor des liffes en d' vanture, avec ché prix , mais nan , chéto bin freumé d'puis un tchiot momint
et pourtant , nous in a connu l' librairie Dupont que chéto eune institution d' bruay
meme que i a des coups i a des gins qui allotent expres acater al' librairie dambrine, rin que pour dire, mi j' donne pas tout à Dupont, faut faire viffe ché zautes librairies aussi .....
t allo là bo pour acater tes liffes ed classes, tes réseumés ou explications ed textes , d auteurs qu achteure , rin que quand té m' site l' nom, j in ai des boutons ......
chéto toudis plein, ti acato aussi tes fournitures , pi un jour cora i est arrivé , cha a comminché à fout' l' brin pour les affaires scolaires, i avo un différentiel que t éto obligé d aller acater au supermarche
i avo un monte fou là d'dins, i avo plein d employées, cha courro d' partout
faut dire que l' dernier coup que j y avo été, j avo été surpris par ech fond du magasin qui éto comme abandonné
i avo pu grintmint d' liffes sur ché zétagères, cha sinto l' bouillon, l' fin d' règne , cha y est ché fait
comme cha, un tchiot encart din'l journal, l' bouque à zoreles et cha y est , eune institution d' bruay , un magasin qu in croyo indétronape qui met li aussi l'clef sous l' paillasson
voir photo
( 1 photos)
