eune tchiote mason in briques rouches

l' tchiote mason in briques rouches, dans l' bas del rue florent evrart, bin ale a eune histoire, oh ché pas l' mason d origine, pour vous dire i zont construit l' mason autour d'el tchiote mason d eune cousine à min père

chéto eune mason bas d' plafond, qui avo pas plus d' 20 centimetes au d'sus del tiete

eune premiere pieche, 3 par 4 tout mouillé, pi eune aut' pieche derriere , plus sompe , d' forme trapezoidale, avec un très grand fourneau bas
in avo pas grinmint d' plache qu in qu in s asseyo dans chte pieche là
in avo pas grinmint d' vue aussi puisqu el mason ale éto construit in bas d un talus, in d'vino l' début d un escayer qui monto au gardin, tout au d' sus
i avo aussi eune paire d' barraques du qui avo toudis un sacré r'mue ménache, des zintrées et des sorties, puisque Clara, ché l' nom del cousine à min père, ale avo toudis eune paire, quo eune paire, eune bante ed cats , ed matous , qui v'notent ichi pasque chéto la mason du bonheur
mi j a l' souv'nir d y avoir mingé un coup, oh misère, j a pas mingé, j a été gavé mes gins, j in puvo pu, ale avo mi l' tchiots plats dans les grands
ale fumo pas clara, mais dins sin buffet dans l' premiere pieche chéto pire qu un débit d' tabac, ale donno des cigarettes à l un à l aute, si i li donnottent in tchiot service

à l étache té i accédo par un escalier camuché juste derriere l' porte d intrée, à l étache eune tchiote chambe ou parel t avincho là vraimint courbé

i avo dins l' premiere pieche , accrochées au mur, des perruches empaillées, d' couleur bleu et verte , ché des détals , inutiles ptete mais cha m' fait plaisi d in parler et d in parler en patois