Les jardinsCharles et Roger
par minloute le, 10/06/2006Chéto connu à bruay , comme Roger Pierre et Jean Marc Thibaut , chéto d' ailleurs pas Charles ET Roger , chéto charlérogé qu 'in dijo , ach’ t époque là , ah quand que j’ dis cha j’ fais viu crignu et pourtant ché pas si loin qu’ cha , un photographe, chéto considéré presque comme un magicien
D' abord té faijo pas des photos comme achteure , cha couto quer , in faijo souvint ché photos pour des grands zéven’mints, mariaches , communions, arpas d’ famile , pélerinache à Lourtes ou à la mer , à Merlimont , ché pour cha aussi qu' in a pas beaucoup d’ photos d’ Bruay, pasqu' in pinso pas faire des photos d’ cha, chéto not’ quotidien
In faijo ché photos, in les donno à dev’lopper , pi in attindo eune paire ed jours, chéto comme cha , pas d’ dév’lppmint mineute, nan mes gins cha preno du temps et que joie et que angoisse à la fois , d' aller arquerre ché photos, sont elle réussies , in savo pas à l' avinche
Achteure avec l’ numérique, ché ti qui tire ché photos , qui choisit celles que té veux tirer sur papier, té peux nin faire eune floppée pi choisir tout’ d’ suite si té veux l’ garder ou pas, j’ vois mi quand j' armonte à bruay, j’ prints min apparel et deux cartes mémoires et in route , j’ su pas limité par ech nompe ed photos à printe
Ché grantes sociétés ed devlop’mint photo sur papier i tirent leu nez pasque ché in train d’ disparaite
Au fait cha existe ti cor charlérogé ?
( 1 photos)
