Les jardinsin y a tourné eune paire ed' tours ...
par minloute le, 14/06/2006mi j' a jamais eu ker cha, tourner autour d' eune piste, comme cha bet'mint
pi ché terripe , si té pas dinl' coup , té vo z'zautes qui s éloignent à vitesse grand v , commint voulez vous qu' on s' armette ed cha, et qu' in a ker cha, ché pas possipe, trop dur au moral mes gins , trop dur
pi ti té cours tet' fatigue et té vo ch' prof ed gym qui est là avec sin chrono quand qui est en forme ou pire, mi j a connu cha l' matin quand qu' on avo sport et qu' in parto du lycée pour arjointe l'piste du state grossemy
ch' prof i nous ingueulo si in allo pas assez vite en passant sur ch' passache clouté, mais li i s' éto djà arrété à mon del librairie Dupont et i avo acaté sin journal et aprés i nous rejoigno
nous in suo sul' piste et li i liso sin journal ... oh i l' vo bin l' tiete ed temps en temps pour nous dire d' saquer d' dins mais chéto presque dit sans conviction , et l' pire mes gins quand qu' on courre comme cha autour du state, bin y a des coups i preno un malin plaiji ed siffler la fin d' l' exercice quand ché derniers i v'notent d' franchir l' ligne d arrivée et qui s' étotent ingagés dins l' premier virache, t avo pas interet à r'brousser ch'min et ti té faijo cor un tour quand ché premiers i v'notent ed franchir l'line
ché pas normal ché d' l' injustice
l' state Grossemy
( 1 photos)
