Les jardinsIn'n'avot quand même des bons (1)
par Ch'Zio le, 22/06/2006Pindant l'hiver 1940, l'ravitaillemint i étot difficile. Un jour eine longue queue s'étot formée sus l'trottoir d'el rue Alfred Leroy, à Bruay, devant l'boulangerie polonaise, à côté d'mon Ingelaere. Dins l'queue i avot eine gamine ed quinze ans, qui avot accompagné s'mère.
Vint à passer eine patroulle allemande. El chef i s'approche d'el queue et attrape el gamine pas l'bras et, passant devint tout l'monde, l'conduit dins l'boulangerie, du qu'al est aussitôt servie. Sans doute qu'al li rappelot l'un d'ses infants et quin'n'a eu pitié d'el vir piétiner dins l'frod.
El gamine al est arsortie avec un pain et al est rintrée à s'maison sans raviser s'mère, faijant semblant dé n'pas l'connaître. S'mère al a continué d'faire queue et al a pu aussi acater un pain. I z'ont pu ainsi avoir deux pains dins l'même journée ch'qui a évité d'avoir faim pendant quèques jours.
Ché mi qui raconte l'anecdote, mais l'gamine in question al est dév'nue m'n'épouse
