Les jardinsnot' terrain d' jeux
par minloute le, 25/06/2006not' terrain d'jeux chéto aussi ché garaches, pasque quand qui pleuvo d' trop in s' réfugio d'dins, in avo intérêt à s' mette dans zin garache qui apparteno à ch' père d'un d' ceux qui étotent avec nous sinon in s' faijo ingueuler tout d' suite et in avo intérêt à printe ses gampes à sin coup vite fait
cha nous servo aussi d' but quand qu' in juo au foutbolle, in s' faijo quand même ingueuler pasque même si in juo d'vant ch' garache à min père par exempe, ch'ti qui avo sin garache à coté i v'no maouler
faut dire qu' in éto pas forchémint des ronaldigno en puissance, l' puissance dinch' tir in l' avo mais l' direction y avo cor d' sacrés progrès à faire, alors ch' ballon li i avo pas eune tête chercheusse, chéto pas programmé d' dins "faut qu' té tompes uniqu'mint sul' porte d' garache du père à minloute" nan, alors i allo tapper comme un sauvache l' porte ed garache du voisin, et quand l' aute i arrivo et qui voyo les traces ed ballons sus' porte in in preno pour not' grate ....
( 1 photos)
