Les jardinsIn'n'avot quand même des bons (2)
par Ch'Zio le, 26/06/2006Un aut' brave type ch'étot in viux autrichien du génie, ed pus d'cinquante ans, qui étot logé à mon d'min grand père, à Blangy sur Ternoise, dins eine champe réquisitionnée par la wehrmacht.
Comme in'n'parlot pas allemand, in'n'pouvot pas échanger gramint avec li, mais i n'arrêtot pas ed dire " gross malheur, la guerre". I nous faijot comprindre qui s'demandot bien c'qui faijot là et qui n'souhaitot qu'eine cose : artourner à s'maison el plus vite possipe.
Ses désirs i s'ont été exaucés: à l'été 1945, i est arparti, sans doute plus vite que prévu, sans avoir l'temps d'importer ses othieux. S'boîte à othieux métallique, à compartimints, al étot ed très bonne qualité, car j'min sers incore.
