Les jardinsl' impasse Toupy
par minloute le, 29/06/2006l' photo ale est prise des camps
pour ché gins du 2 l' impasse Toupy chéto eune tchiote route commint vous dire, bon té passo d'vant Omer ch' boucher, té passo d'vant Noel ch' coiffeur, pi devant chez Defernez, aprés i avo ch' magasin Plouviez et Taverne chti qui vindo des apparels ménagers, qui avo même un garchon qui m' faijo peur, pasqui éto handicapé, et y a des coups i eto dins ch' magasin et i passo s' langue sul' vitrine, j' nin parlerai d' cha aussi
bon bin avant chez Plouviez i avo eune tchiote route et dinch' fond i avo d'un coté eune mason, et d' l' aute t' arrivo du que Léon Defernez i avo sin atelier et qui artappo ché matelas
bon vous m' suivez ? in l'voyo pas beaucoup l' route pasque i avo des masons d' chez plouviez jusqu al' route , achteure savez chez Plouvier , c' est chez Ducrocq l' fils à Omer , chti qui est traiteur achteure
bon , alors , avant i avo eune paire ed masons, et j' me souviens que j' a fait un artique ed sus , si marie claire ale peut artourner les grandes paches du liffe, j' avo fait un artique sul' destruction des masons que l' route ale éto coupée, que tout ch' quartier y éto là pour raviser l' abattache avec eune grosse grue , qui avo Omer ch' boucher qui éto là et m' tante Marie qu' ale a passé inter ché males du filet, qu' ale avo rin vu et qu' ale rintro tranqu'ilm'int as' mason et qui zalotent donner ch' premier coup d' grue ....
J'a artrouvé l'histoire dont parle minloute et je l' mets en lien
L'impasse Toupy
( 1 photos)
