Les jardinsl' plache à La Napoule
par minloute le, 17/07/2006ché là que minloute i a été un grand navigateur, j avo que 4 ans , mais i zont mis eune plaque sur un monumint "ichi minloute y a fait du pédalo pour l' premiere fo des' vie", si j' vous dis que d'vint ch' monumint ché toudi fleuri , vous pouvez m' croire, même que ch' maire ed La Napoule i est imbété vu qui a des femmes qu' ale font ché cent derniers mètes à g'noux , cha pose problème ..... bon sérieux, ché là que j' a fais mes premiers zexploits d' navigateur , j'éto in pédalo avec m' mère et min frère, j' cro que j' do avoir l'photo quéqu' part, j' vous artrouverai cha, et in pédalo in a sorti del' crique qu' in vo, oh in n' a pas du aller bien loin, vu que m'mère et la mer, cha fait deux , mais cha pourro faire 10 , dés qu' ale avo d' l' io au niveau des g'noux, ale avo "eune barre" ale éto bloquée, donc si in a été in tchiot peu plus loin, chéto juste un tchiot peu plus loin .... mais mi j' in ai l' souv'nir del' pureté d' l' io d un bleu à couper l' souffe
( 1 photos)
