Les jardinsin est jamais contint
par minloute le, 18/07/2006l' hiver in dit , viv'mint l été , na marre del pleuffe , du fro, l été arriffe, ah i fait pas assez caud, et quand qui fait caud , in est mate d ' arvire arriver l' orache, ou pire d' s artrouver au début d 'l automne
faut dire qu ichi, dinch' sute, ché masons ché fort laramie, ché volets i sont freumés, ché cats et ché tchiens allongés tous such' carrelache, avec ché tchiens avec eune lanque ed vingt metes... i a qu' ché mouques qu ale sont contintes, ouais pasqu ale campane i a pas qu' des avantaches, surtout quand qui mettent ché vaques sur ché paturaches juste in d'sous l' églisse qu ale est à chinquante metes del mason
alors in a arsorti deux cosses qui ont fait leurs preuffes, d abord l' coté ludique mais teut' lasse assez vite, ché l' tapette à mouque, ché surtout m'file cal' adore juer avec cha, mais comme as' s enerffe vite, cha finit qu ale manque ed faire querre par terre ché bib'lots qu' grand mere ale a mis tout partout
alors l' consel d' famile i s a réuni, et là in a pris des décisions d urgence, aux grands maux les grands moyens, in a été acaté, souv'nez vous i avo cha dins l' temps, ché especes ed rouleaux gluants du qu' ché mouques al' viennent es printe les pattes ed dins ah j' vous l accorte ché pas du bel esthetisme, mais ché éfficace, pi ché tchiens i sont intrigués pasque ché mouques quand qu ale sont prisses d' dins , ale essaient d' s involer, ché zailes ale vibent comme un moteur d' hors bord, cha fait bzzzz bzzzz bzzzz oh pas longtimps pasque eune fos bloquée , l' mouque al' meurt cor assez vite ......
