quo qui a dit chémi !

Chémi comminche pas à attaquer l' système d'l' ordinateur à marie claire ! ché interdit ! ché pas d' es'faute si cha marche pas bin
l' preuffe , meme Frette , savez ch' chef poubelleux à grantes zoreles qui arsonne à Landru, enfin ch'l homme à marie claire, bin y a rin pu faire, et pourtant un homme comme li , qui armue des poubelles toute l' journée, et qui a un site sur internet pour apprinte à ceux qui comprenent rin aux zordinateurs d' tout comprinte, meme li i peut rin faire, i zont meme essayé d' canger d' braquet au vélo, bin ouais, savez pas, ch' site i est alimenté par eune dynamo qu ale est arlayée à un vélo du que Frette i pédale tout l' temps qu in écrit nos cacoules sul' site , so in s est dit avec marie claire, frette i b'soin d' vagances, et y est mate, aprés in s a dit nan, i a été respirer l air iodé d' grenay donc ché pas cha , aprés marie claire ale a ravisé, en tout bien tout honneur, si i avo pas des varices qu ale apparaissottent sur ses gampes, nan chéto pas cha, i zont armis d' l huile sul' chaine, et graisser ch' pédalier, cha n a rin fait d' miux, i zont cangé d' plateau, mais chéto comme chi té picho dins zin violon, alors in s a dit ptete que frette i sa assis sur ch' vélo et qu' marie claire ale avo fait ché poussieres et qu ale avo oublié d armette el selle et ché pour cha qui avo du maux à avincher , nan ale a bin ravisé, cha faiso pas flop quand que frette is' levo du vélo
alors in s a dit avec marie claire, in a contacté des "soigneurs " ed cyclistes savez ceux qui donnent des potions que chti qui les print t a l impression qui avinche sur eune mobylette, cha a rin fait sinon filer l' drisse à frette
alors marie claire ale a pris ch' tam tam ale a app'lé la tribu des ouagadoudou , savez ch' serveur internette, bin ché d' leur faute , nous in éto un peu imbété pour frette qui avo d' sacrés maux d' vinte avec tous ché médicamints, potions, s'ringues qu in li a fait printe, achteure i est pu sul' selle , i est à la selle ........ frette si té nous acoute..... sans quoi, in espère ,nous comme vous que cha ira mieux, pasque si vous ramez pour v'nir such site nous in rame aussi , allez mes gins à tout rate