Les jardinsGrenay, rue Debussy
par Marie-Claire le, 30/09/2006Allez in va arvénir faire un tchiot tour à Grenay.., el rue Debussy, cité 5 appelée aussi cité Maroc, si os in doutez core chétot m' rue
et ch' poteau EDF qu'in vot à gauche chétot quand j'étos tiote l' limite dù que j' pouvos aller toute seule, cha parait pas loin mais à l'époque j'véyos pas cha comme cha, em mason l' 8 rue Debussy ché celle avec un toit noir
l' rue Debussy in déhors d' chés rénovations ale a gramint cangée, déjà au miyeu y a eune mason d'abattue, et là dù qu'in a l'impression que l' route ale est copée, nan nan, ale tourne à gauche pour arjoinde l'aute coron d'vant, l' rue Berlioz et apparemmint l' bout del rue Debussy in y rinte pus qu' par el boulevard de Dinan qui longe el cité 5
j' connos pas l'explication à cha, j'a pas vu cha ailleurs, mais j'a pas fait tous chés corons non pus
Ch' jour là , 19 juillet 2006 vers 15h00 in étot pas loin des 35 degrés à l'ompe cha explique tous chés volets freumés .. et j'auros eu ker vire quelqu'un pour discuter un tchiot peu mais i devotent ete tous infreumés aussi
( 1 photos)
