Les jardinsProjecteur de D.C.A. ou rasage ?
par Ch'Zio le, 03/10/2006Dins l'région d'Blangy sur Ternoise, du qu'i habitot min grand père, i avot des batteries de D.C.A. (défense contre avions), équipées ed gros projecteurs à miroir parabolique, pour vire ches avions pindant l'nuit et bien diriger l'tir d'ches canons. Evidemmint ches batteries i z'ont été bombardées par ches avions inglais, et complétemint détruites.
Dins l'fond d'ches projecteurs i avot in miroir concave. In m'proménant à la fin d'la guerre, j'avos ramassé un morciau d'miroir qui faijot bien eine vingtaine ed chintimètes d'long, et j'l'avos laiché à mon d'min grand père. Mais, surprise, in arvénant à s'maison l'cop d'après, j'vis ch'morciau d'miroir accroché à ch'mur avec un support rudimintaire qu'min grand père i avot fabriqué avec du fil de fer (photo). Comme i n'veyot pus fort clair, i s'in servot comme miroir grossissant pour li s'raser.
Aujord'hui i peut incore servir occasionnellemint pour aider à s'in'lver eine buque dins s'n'eul, car i grossit vraimint gramint.
( 1 photos)
