comme Giscard d Estaing..

j' m a dis , minloute , ché bin d' converser avec ché gins, mais i manque quéquosse, ché d' les rincontrer , donc in a décidé marie claire et mi, d' faire la tournée des chtitonautes qui viennent sul' site

in vous zexplique commint qu on compte faire

nous in apporte ch' minger,(des noules,un sauret, un lit' ed biere) , bon in s' charge pas trop vu que dins ché voyaches faut aussi qu in pinse à not' gard'rope (surtout marie claire avec toutes ses ropes à fleurs qu ale a acaté à daxon et à la blanche porte), pasque mi des ropes j in porte pas souvint

donc ej diso , in apporte à minger, bon pour vous cha va pas trop vous couter ker , que ch' prix du billet , mais bon , zallez l ammortir avec l' joie et l immense honneur ed nous rincontrer ( j viens d artirer mes cauchettes pasque mes cheviles ale zenflent)

donc in s a dit in va commincher cha ch' t hiver, mais là marie claire ale m a dit té sais l hiver i fait fro

bon qu' j y dit in va commincher cha au printemps

pi aprés j' m a dit , in devro commincher par ché gins qui ont mis un sujet y a pas longtemps sul' site , comme cha in pourro créer des liens

et comme par hasard , j' vous jure que chéto pas prévu comme cha, comme par hasard, d eune main innocente , j a tiré au sort et là, le zazar i est bien fait, j' viens d' vire qui n a un qui est à tahiti

ah in n a djà del peine ed quitter la france, d' pu vire nos corons, mais nous in a un d'voir d' ambassadeur d' la langue chti, donc , aprés bin des zézitations, in a décidé qu in parto à tahiti , oh faut pas s inquieter in restera que tro s'maines, pi d' là bas , in pourra quand meme invoyer des sujets sur bruay ou bully grenay .....

zin rincontrerez beaucoup tiens, des gins dévoués comme nouzautes .....