marie claire cha va mieux
par minloute le, 11/10/2006zetes des milliers à d'minder des nouvelles du bras d' marie claire, cha va mieux , beaucoup mieux, j' vous armercie pour elle, pour tous ché cadeaux invoyés , des boites ed chocolat, des bouquets d' fleurs, nan ché meme trop , pinsez ach' facteur qui do am'ner as' mason tro colis d' admirateurs et d admiratrices qui s inquietent des' santé
bon j' va vous donner ch' communiqué médical , savez comme pour ch' président d' la république
ché sin mari, l' professeur frette qui m a donné ché renseign'mints
i zont tentés eune opération qu ale a réussi, i zy ont coupé sin bras et mis al' plache un crochet in fer , d ailleurs quand qu as' promene à paris ale met un bout d' loque ed sus sinon ale arrete te pas d' signer des orthographes vu qu' ché gins i crottent qu elle do juer dins ch' film pirates offe caraibes deux
nan mais ché pratique sin crochet , achteure pour arsaquer ché nasses dinch' nez , pas d'probleme, cor qui faut faire attention, té peux si té fais pas gaffe imbarquer un neule au passache
nan, pi au début an' na cassé des claviers d ordinateurs, ch' crochet i s' bloquo inter deux touches, cha faijo court circuit, et clac al' poubelle, heureus'mint que frette i est poubelleux et qui n in r'trouffe au fond des bacs verts ed récupération
frette dans l ensempe i est heureux sauf au momint qui faut li mette del creme sur ses fiesses , quand qui est mate ed pédaler pour qui a d' l electricité sul' site
eh mettez vous as' plache, sin derriere ed' poulet à l air, et vire arriver marie claire avec del pommate au bout du crochet, j in connais plus d un qui serrero ché fesses que té pourro pas y passer eune feule ed papier à cigarettes ....