hier j a eu eune mauvaisse pensée

j' vous zexplique, marie claire sul' mail , am' dit i éto 7 heures au soir, "j a d' zinvités à minger c' soir" cha y est j' m a dit, ale va arvénir such' site vers 11h30 et là mi j a du mérite, pasqu ale print régulier'mint des prones, ché nin possipe alors ed discuter avec elle (d ailleurs s' chute dins les zescaliers in sortant des' champe d hotel, mi j a des sérieux doutes...)

bon , j arviens sum' messagerie vers 9 h au soir, marie claire ale a mis un messache "cha y est ché zinvités i sont partis"
mi j' m a dit , bin marie claire , té pas pret d' eum' vire at' mason, pour que ché zinvités i zarriffent à 7h et qui arpartent à 9h , ché qu' cha devo pas et' terripe c'qu ale avo fait à minger
pire j 'a pinsé que comme frette, sin mari, i est poubelleux dins l' ville à coté, soit qui avo ram'né des restes d' repas des anciens d'sam'di dernier, et que ch' saumon rosse y arsemblo plutot à del morue eune semaine plus tard
pire cha peut et' des restes direcques ed poubelle des' tournée du vendredi ....
nan , aprés j a réfléchi, 9 h au soir, ché l heure du que marie claire al' talque l' fond'mint d' frette, pédaleur de charme , et pédaleur efficace pisque i a pu grinmint d' soucis d' connections sul' line informatique du site

zavez vu, j auro pu avoir d' mauvaises pensées, et in fait ché pour vous, ché pour nous qu ale a abrégé l' repas
merci marie claire

j' sais enfin l' vérité, ché que frette, j' le savo pas, i éto irlandais d' naissance, sin vrai nom ché mac frette

alors cha m a fait tiquer, j a été arquerre ché photos del mason d' marie claire qu ale m avo invoyé et là j a compris, i a eune espece ed voyette in bitume tout autour del mason , pi i a comme eune barriere qu as' léve quand t as fait ch' tour , pi i a eune gueritte à l intrée du que marie claire ale a installé sin pc, ale print des commantes ché a dire que ché gins eune fo qui zont choisi sul' liste , i avinchent in voiture et là i a frette qui donne ch' repas dins eune espece ed boite in carton

j a miu ravisé l affiche qui a sul' coté i propossent in plats à emporter
rassacache, chicons au jambon, hachis parmentier, bifteque frites, et in dessert in n a qu un mais i fait un tabac, ché l' tarte au libouli .....
bin j' m a dit aprés des gins qui viennent comme cha minger chez mac frette, et qui i restent deux heures, ché qu au contraire cha do et' bon ......pasque ché l aute mac machin, t y reste pas autant d' temps ....

taleure minloute t' as fait un sujet pour chés nouvio arrivés, y faut aussi les prév'nir que minloute ché un rute moqueux d' gins .....
mais ché pas pour nous déplaire, enfin mi j'sus bin habituée ..... et j' rassure chés gins jé l' prinds toudis bien
et un tchiot peu d'humour cha fait du bien aussi su ch'site